•.ღ.•° إحساس ما حسيت فيه بحياتي °•.ღ.•°

•.ღ.•° إحساس °•.ღ.•°
إحساس ما حسيت فيه بحياتي
ولا طرالي مثل هذا على البال
كلمني أكثر عنك واترك سكاتي
بتأملك وأتخيلك أجمل آمال
أنت الهنا وأنت العنى وأمنياتي
ويازين هالصدفة على كل الأحوال
لقيت فيك أنت قربي لذاتي
تقرب لقلبي بالنوايا والأفعال
ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا يزال
أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال
أنا بقلبي شي وش السواتي
ودي أقوله بس شلون ينقال
الحب ما يستأذنك يا حياتي
يلحق على راعيه بالصبر لوطال
°•.ღ.•° ما عاش °•.ღ.•°
ما عاش والله من يفكر يزعلك
ما جابته للحين يا عمري امه
من عاملك بلطف لازم يعاملك
ومع كل كلام يحسبه كلمه بكلمه
مفروض يحمد ربه الي يقابلك
سمه غرور الي تسميه سمه
إن قلت كامل الله الي مكملك
الزين يا أنت أخوه يا ولد عمه
كلن يبي قربك ولحدن بطايلك
الورد ما كل من يشوفه يشمه
غصبن عليه الي يعرفك يدلك
وإن كان ما دللك ما عنده ذمه
°•.ღ.•° يا هلي °•.ღ.•°
يا هلي مشتاق للصاحب الغالي
غايبن عني ومشتاق لعلومه
ساكن بقلبي ودايم على بالي
هو حبيبي وجعل يومي قبل يومه
قالوا الي ماله اول ماله تالي
والقمر لا غاب ما تعوض نجومه
أكذب إن قلت إني في غيبته سالي
حتى عيني من هنا النوم محرومه
لا تلوموني إذا زاد غربالي
من درى عن حالتي قال مالومه
غالي حاضر ولا غاب هو غالي
هو بكوم وكل هالناس في كومه
°•.ღ.•° تكلمنا °•.ღ.•°
تكلمنا بحسن نيه ماندري عن نواياهم
خطأ ضنينا كل الناس يحبوني ويحبونك
حسبنا الناس تهوانا مثل ما احنا نهواهم
اثاريهم من الغيره يحسدوني ويحسدونك
محد جانا وعلمنا أنا وياك شفناهم
هدفهم أفقدك وأبقى حياتي كلها بدونك
ترى اكبر دليل اللي حصل بالامس وياهم
ماشفت عيونهم ترسل سهام الغيره لعيونك
خساره تنصدم في ناس فرشت الدرب لخطاهم
وهم برخص تراب الارض يبيعوني وبيعونك
انا اسأل عن العشرهـ وافتش في هداياهم
تجاوبني وهي تبكي هم كانو يغشونك
°•.ღ.•° يارب قدرني °•.ღ.•°
يارب قدرني على الحب ورضاه
ولا انحرم منه على طول يا رب
دامه يبي قربي وانا قربه أبغاه
حبيبي الي همه رضاي والحب
يكفي خذا عقلي وخذا الروح وياه
يوم التقينا بلا مواعيد بالدرب
والقلب من كثر الفرح فز وحياه
نبض الحياه الي سكن داخل القلب
إذا الخطا أقول العيب عداه
وأقول ما يقصد ولا كان له ذنب
لو يبتعد أحب بعده ولا أنساه
وأبقى أفكر به وبالمره أتعب
يفرح إلى جاني وأنا أفرح بلقياه
واذكر بدايتنا أنا كنت معجب
لولاه ما عشت الهنا لولاه
من جد حبيته وعن جد ينحب

°•.ღ.•° طيب الدنيا °•.ღ.•°
كل طيب الدنيا فينا ... وكل عشق الارض فينا
وكل مافينـا محبــه ... والله لايـــغيــر عليـنــا
يادفاي بعز بــردي ...ياشقاي ان زاد وجدي
يابعد روحي وبعدي ... ايـه ورب العـالميـنـا
ماتغيـرت وظروفـي ... تشهد وتشهد حروفي
طبعنا نكرم ونوفي ... ونشتـري من يشترينا
ماعليـنــا بالعـواذل ... همهم تحصيـل حاصـل
لو يـعملون العمايـل ... عنـــهــم لا مادريــنــا
رافعين الراس رايـه.. حبنـافــوق الوشـايــه
والزعل ماهو نهايه ... ولو يموت الحاسدينا

°•.ღ.•° مسكين °•.ღ.•°
لا تحسب إني يوم تبعد أبرجيك
إن جيتني حياك وإن رحت عادي
ما تفرق أصلاً لويجيبون طاريك
ولا أسمعك لو صرت جنبي تنادي
خلاص ما أحبك ولا عدت مغليك
مسكين لو فكرت تسكن فؤادي
مجنون لو علقت نفسي أنا فيك
مابي محبت من يدور بعادي
يا ما زعلتوكنت دايم أراضيك
أجيك وأكسر عزتي مع عنادي
إبعد وتلقى حب ثاني يسليك
هذا جزا من كان بالصد بادي

°•.ღ.•° غلطة °•.ღ.•°
غلطة وحده ولا يهمك واعتبرني ما أحس
أنت قلبك دوم يغلط جت على هذي وبس
ما في داعي لإعتذارك هذا جرحي وفك بابه
يكفي إني من عذابك صارت جروحي تشابه
تغلط بحقي واسامح وانت ما همك رضاي
اغلط أكثر لا يهمك المهم تبقىمعاي
مدري أخطيت بشعوري ولا أنا أخطيت بغلاك
دلعك قلبي شسوي ما يبي إلا رضاك

°•.ღ.•° عيدي مبارك °•.ღ.•°
عيدي مبارك فيك يا عيد الأيام
وحلوه سنيني فيك يا عيد روحي
سعادتي في شوفتك حلم الأحلام
وشعري وأحاسيس المحبة وبوحي
إن قلت لي كل عام أنا أقول الأعوام
بدون شوفتك هي سبايب جروحي
هنيت فيك العيد من فرحته قام
وهليت فيه وجاك عطر(ن) يفوحي
أنت المهم ومن ملا قلبي أهيام
حبيت أهنيك يا هواي وطموحي
عيدين السنة عيدين بحساب الأرقام
وأنت الهنا وأعياد عمري وروحي

°•.ღ.•° غرام °•.ღ.•°
غرام أطفال جمعنا وكنا بشعور كبار
وفا قلبي مثل ما توفي العشاق أو أكثر
أحب بجد ما ألعب مثل منهو بسن صغار
ولا أذكر قلبي لو مره معاها كذب وقصر
في ذاك الوقت ما أكتب ولكن أحفظ الأشعار
عشان إعجابها فيني يزيد ويصبح الأكبر
حفظت لخالد الفيصل قصيدة يا غريب الدار
وديوان البدر كله عشان أتعتلم وأبحر
بنيت لحبها قصر عظيم وعالي الأسوار
ولا فكرته بيوم على هالحب يدمر
غرام كنت له شاري وباع بآخر المشوار
أنا عقب الغدر هذا أنا وشلون ما تأثر
بكيت بيوم فرقاها تقل بين الحنايا نار
وكني فاقد الدنيا ولاني قادر أتصبر
أبتأسف أنا لقلبي عسى يتقبل الأعذار
لأني صدق ذليته وعذري حيل متأخر

°•.ღ.•° آخر الأخبار°•.ღ.•°
آخر الأخبار خلي ما يبيني
علموني الناس عن نية خصامه
كنت أظنه قدر الإخلاص فيني
يا حسافة باعني وغير كلامه
مرت الأيام والذكرى تجيني
واعترف عندي ترى عالي مقامه
أتعجب ويش حصل بيني وبينه
ما غلطت ولا حصل مني ملامه
جدد الأحزان في قلبي وعيني
وصرت أعاني وأشتكي جرح الندامة
سامحوني إنطفت شمعت حنيني
كل عاشق يملك إحساس الكرمه
أدري إنه بالمحبة مشتريني
ليش صار اليوم باخل باهتمامه
أتحدى في جميع العاشقيني
مثل خلي في دلاله وابتسامه

°•.ღ.•° منتهى الرقه °•.ღ.•°
في منتهي الرقه وفي منتهي الذوق
...حبيبتي في كل حاجه عجيبه
اذا حطت تعرف تخليني أروق
...واذا بغت تجيب راسي تجيبه
ان جيت حطتني علي الراس من فوق
...ماحدن أسرني كثر خلي بطيبه
حتي وهي جنبي تحسسني أبشوق
...وشلون لامن شفتها بعد غيبه
واللي مزود حسنها حسن منطوق
...متواضعه لكن لها ألف هيبه
مخلوق لكن غير عن كل مخلوق
...مصيبة ياحلوها من مصيبه

°•.ღ.•° تزاعلنا تصالحنا °•.ღ.•°
تزاعلنا تصالحنا
نسوي الي يريحنا
يا عالم بس وش فيكم
كأن ما فيه إلا احنا
تعبنا بسكم غيره
أمانه فضو هالسيرة
ترى مهما تخاصمنا
نرجع مانروح ديره
سمانا أشواق في أشواق
نحس بنشوة العشاق
وكل أوقاتنا ندعي
عسى الله لا يجيب فراق
أنا ومحبوبي متصافين
بدينا الحب مبسوطين
رضيتوا ولا ما ترضون
ماحنا عنكم بدارين

°•.ღ.•° شي واحد °•.ღ.•°
هات لي شي واحد
واحد يحببني فيك
بعد الي سويته
فيني الله يهديك
أنت ماخليت للرجعه عذر
وأنا قلبي يا ما سامح واعتذر
أنت قاسي وما تحس ومن حجر
وما أقدر أنسى كلمتك لي ما أبيك
كنت أحبك حب نساني الحياة
لين حبي لي وصل في منتهاه
لا تجيني ما بقيلك عندي شيء
لا انكسارك ولا دموعك تعني شيء

°•.ღ.•° كل الأمور °•.ღ.•°
كل الأمور بخير
مادام أنت بخير
ياللي معك بدنيتي
ما شفت إلا الخير
معاك شفت الهنا
ونسيت أيام العنا
الله ياحظك بحبي
وفيك يا حظي أنا
إختارك القلب وهواك
وما يعجبه أحد(ن) سواك
أنت أغلى من روحي علي
وأنت أغلى من هذا وذاك
في قربك الأيام عيد
والشوق لك دايم يزيد
وغلاك لو هو ينتهي
برجع أحبك من جديد

°•.ღ.•° أزعل عليك °•.ღ.•°
أزعل عليك ألفين مره من غلاك
مليون مره يوم تنكر غلطتك
قلي خطيت بدون مادور وراك
مو حلوه ألقاها وتخرب صورتك
أزعل عليك وكنت أعدي من غلاك
يا كثر ماتغاضى وأساير خيبتك
لاتحسب إني غافل وماني معاك
صدقني أدري قبل تفعل فعلتك
أزعل عليك وحيل يهزمني هواك
يومك تناظرني وأحس بعبرتك
تقول لي آسف وأحسب الله هداك
ترجع وتعملها علي وش قصتك
أزعل عليك وذاك يزعل من هذاك
والكل يخطي وأنت شايف دنيتك
ما قلنا لا تخطي ولا قلنا ملاك
بس إعترف لي يوم تعمل عملتك

ودمتم

ادارة روووعه

الله الله
الله يعطيك الف الف الف عافيه يا غالى

رومي زمانى

الله الله
الله يعطيك الف الف الف عافيه يا غالى

روميو زمانى

•.&#4326;.•° إحساس ما حسيت فيه بحياتي °•.&#4326;.•°

•.ღ.•° إحساس ما حسيت فيه بحياتي °•.ღ.•°